قلت الوداع وجاوبت دمعة العين00000تجرح بساتين الخدود النديه
وغضت وشفت بعينها الحزن حزنين0000وصاحت على الفرقى انا موقويه
وجاوبتها ارجوك تكفين تكفين0000والله دمعك يشعل النار فيى
وقالت تعاهدني عهد المحبين0000الله يخون الي يخون بخويه
قلت ابشري والي خلق لاتظنين000حرام ماغيرك عشقت ادميه
وقصت شعرها قلت انا وش تسوين000قالت ابي من غرتي لك هديه
ونادتني الايام على الهم والبين000احسب الايام روحه وجيه
وفي كل ليله يرتسم بين رمشين0000خيالها بين الرموش الشقيه
غربة سنه في ذمتي غربة سنين0000متى على الله يلتقي الحي حيه
خلاص هانت مابقى غير يومين0000خلاص قضت غربة هجرديه
ورجعت شوقي في خفوقي براكين0000ورجعت انا كلي لها جاذبيه
وسالت ماردو وانا اصيح هي وين0000وكلن نثر من داخل العين ميه
وفي قمت احزاني تلقيت رمحين0000قالوا توفت غافلتها المنيه
وفي غرغرتها ماذكرت غير حرفين0000تشهدت باسمك شفاة البنيه
وتزاحمت في داخلي الف سكين0000والحزن يطويني ثمانين طيه
صدمه وجتني على الارض نصفين0000وشلون راحت بلا ذنب او خطيه
تكفون دلوني على قبرها الحين0000ماعاد فيني للصبر مقدريه
وقفت اطالع قبرها بين نصفين0000وجلست اضم اغلى النصايب عليه
واصيح وشفيك ياغلاي ماتردين0000اشتقت همس اشفاهك النرجسيه
وشفيك جيت من السفر ليه ماتهلين0000ماهي بك عاده ولا انتي رديه
وحاولت في لحظه اني اجرح الدين0000وازيح تربة قبرها في يديا
وبالغصب شالوني عشى كني مسكين0000اصرخ بهم والله والله حيه
وقضت وتاهتبي كل العناوين0000والحزن يرقص بداخلي سامريه
ورجعت لدرب الشقى بعد عامين000ومدري من الي صار فينا الضحيه
منقوله اعجبتني فنقلتها لكم
الإثنين فبراير 04, 2008 8:54 am